हामीले होइन, माधव नेपालले हामीलाई धोका दिनुभयोः गोकर्ण विष्ट

  • 384
    Shares

नेकपा एमालेका सचिव गोकर्ण विष्टले पार्टी विभाजन धोका भएको बताएका छन् । विष्टले राजनीतिक, सांगठानिक र नैतिक कुनै पनि हिसाबले पार्टी विभाजन सही नहुने उनको भनाइ छ ।

 

नेपाली रेडियो नेटवर्कको कार्यक्रम नेपाली बहसमा पत्रकार ऋषि धमलासँग कुरा गर्दै नेता विष्टले भने, “हामीले जेमा अडान राखेका थियौं, त्यसमा कमरेड माधव नेपालसँगै लामो समयसम्म लडेका हौं । उहाँले एक शब्द नसोधी अनायासै पार्टी विभाजन गर्नुभयो । सिंगो पार्टी पंक्तिका लागि विभाजन नै धोका हो ।

 

दल विभाजनसम्बन्धी अध्यादेश आउँदै छ भन्ने हामी माधव पक्षकै १४ जना स्थायी कमिटी सदस्यलाई थाहा दिनुभएन । यस हिसाबले माधव नेपालले हामीलाई छाड्नुभएको छ, हामीले उहाँलाई छाडेको होइन । तपाईंले एउटै रेडियो या टेलिभिजनमा संवादमा राख्नुभयो भने स्पष्ट हुन्छ, उहाँले हामीसँग कुनै सल्लाह किन गर्नुभएन ?”

 

माधव नेपाल समूहलाई छाडेर ओलीमा किन विलीन हुनुभयो भन्ने पत्रकार धमलाको प्रश्नमा उनले भने, “हामीले पहिलेदेखि नै लगातार पार्टी एकतामा जोड दियौं । त्यसको अर्थ न आत्मसमर्पण हो, न त विभाजन हो । म माधवकुमार नेपाल, झलनाथ खनाललगायतका कमरेडहरुलाई अपमान हुने कुनै अपशब्द प्रयोग गर्दिनँ । १० बुँदे सहमति कार्यान्वयन गरेर पार्टीभित्रै भविष्य खोजौं भन्ने मेरो भनाइ हो । माधव नेपाललाई पार्टीमै फर्कनोस् भन्न चाहन्छु । माधव नेपालबिनाको एमाले बनाउने हाम्रो चाहना होइन ।”

 

उनले १० बुँदे सहमति कार्यान्वयन नभए पार्टी एकता सम्भव नहुने पनि औंल्याए । उनले थपे, “आज बिहान ११ बजे सहमति कार्यान्वयनको मोडालिटीबारे छलफल हुँदै छ । २०७५ जेठ २ भन्दा पहिलेका कमिटी पूर्ववत् फर्काउने सहमति भइसकेको छ । त्यसमा एकताबद्ध हुँदा स्थायी समितिमार्फत सम्पूर्ण अन्तर पार्टी निर्देशन जान्छ ।”

 

अध्यक्ष ओलीले १० बुँदे सहमति कार्यान्वयन र माधव नेपाललगायत १४ जना सांसदको कारबाही फिर्ता गर्न सहमत हुँदा माधव नेपालको नयाँ पार्टी गठनको निवदेन फिर्ता होस् भनेको चाहेको उनले बताए । उनले सांगठनिक अराजकता र वैचारिक विचलन त्यागेर एकतामा फर्काउने प्रयत्न जारी राख्ने पनि जनाए ।

भर्खरै

सम्बन्धित समाचार

अबैध तरिकाले अमेरिका छिर्ने क्रममा निकारागुवाको जंगलमा बास बसेका नेपालीहरु……

यो तस्वीर अबैध तरिकाले अमेरिका छिर्ने क्रममा निकारागुवाको जंगलमा बास बसेका नेपालीहरुको हो भनेर फेसबुकमा अपलोड भएको देखिएको छ। नेपालीहरु...

ॐ करोडौमा एक भगवानको अवतार , एउटा आँखा भएको बच्चा, फोटो छोइ सेयर गर्नुस् (हेर्नुस् भिडियो

रोचक र घो-चक कुराले मानिसहरुले मनोरञ्जनका साथ आनन्द पनि लिने गर्छन् । तर संसारमा यस्ता रोचक कुराहरु पनि छन् जस्लाई...

प्रधानमन्त्री देउवालाई भेटेर मेयर शाहले गरे फोहोर व्यवस्थापनसम्बन्धी छलफल

काठमाडौँ — प्रधानमन्त्री शेरबहादुर देउवासँग काठमाडौं महानगरपालिकाका मेयर बालेन्द्र शाहले फोहोर व्यवस्थापनको विषयलाई लिएर छलफल गरेका छन् । शीर्षक वा...

error: