आगामी निर्वाचनमा कांग्रेसले एक्लै चुनाव लडेर बहुमत ल्याउँछः शेखर कोइराला

  • 449
    Shares

काठमाडौं । नेपाली कांग्रेसका नेता डा शेखर कोइरालाले आगामी निर्वाचनमा कांग्रेसले एक्लै चुनाव लडेर बहुमत ल्याउने बताएका छन् । शनिबार इनरुवामा सञ्चारकर्मीसँग कुराकानी गर्दै नेता कोइरालाले आउने निर्वाचनमा कांग्रेसको कुनै पनि राजनीतिक दलसँग गठबन्धन नहुने बताउँदै एक्लै चुनाव लडेर बहुमत ल्याउने बताएका हुन् ।

 

नेता कोइरालाले भनेका छन्, ‘अब हुने स्थानीय, प्रदेश र सङ्घीय निर्वाचनमा कुनै पनि राजनीतिक दलसँग कांग्रेसको गठबन्धन हुदैन । अब कांग्रेस एक्लै चुनाव लड्छ । कांग्रेसका नेता तथा कार्यकर्ताले अबको निर्वाचनमा आफ्नै पार्टीको चुनाव चिन्ह रुखबाहेक अन्य चिन्हमा मत नहाल्ने आशय व्यक्त गरिसकेको छ । त्यसैले आगामी निर्वाचनमा कांग्रेसले एक्लै चुनाव लडेर पनि बहुमत ल्याउँछ ।’

 

त्यस्तै उनले आउने निर्वाचनमा १५ देखि २० लाख मानिसलाई पार्टीमा आबद्ध गराउन सकेमा निर्वाचन जित्नेमा कुनै दुविधा नरहेको पनि बताए । पार्टीका सभापति तथा प्रधानमन्त्रीले आफूखुसी गर्न खोजे पार्टीले चुनावमा हारको सामना गर्नुपर्ने अवस्था आउनसक्ने उनको भनाइ छ ।

 

उनले ‘सभापतिले म सबैको हुँ’ भनेपनि विश्वासको वातावरण बनिनसकेको दाबी गरे । नेता कोइरालाले भने, “सभापतिले म सबैको सभापति हुँ भन्नुभएको छ, त्यो देखाउनु प(र्यो । देखिने गरी हुनुप(र्यो, न्यायसङ्गत हुनुप(र्यो ।”

 

आम नेपाली जनतामा एमसीसीका बारे फैलिएको त्रास चिर्न संसद्मार्फत छलफल गरेर जे हुन्छ जानकारी दिनु आवश्यक रहेको बताउँदै उनले व्यवस्थापिका, कार्यपालिका र न्यायपालिका अस्तब्यस्त रहेको उल्लेख गरे । नेता कोइरालाले अवरुद्ध संसद् सञ्चालन गर्नतर्फ कांग्रेस र एमाले दुवै लाग्नुपर्नेमा जोड दिए ।

भर्खरै

सम्बन्धित समाचार

error: